Дајте ни зелено наместо сиво

Во рамки на активностите за одбележување на месецот ноември – месец посветен на ПРАВАТА НА ДЕЦАТА, #прличевци гласно со порака :

ДАЈТЕ НИ ЗЕЛЕНО НАМЕСТО СИВО, ДАЈТЕ НИ ПАРК НАМЕСТО БЕТОН

Имаме само една планета Земја, наша, единствена. Како ќе се однесуваме кон неа, така таа ќе ни возврати. Затоа да бидеме свесни и совесни, да ја чуваме и негуваме и да се грижиме за неа како за сопственото здравје, за животот.

Денешниов ден, кога се одбележува Светскиот ден на Климатските промени, да ни биде поттик да ја чуваме и унапредуваме животната средина, да укажеме на опасните последици од загадувањето на водата, воздухот и почвата. Да ја сочуваме нашата Планета за нас, за идните поколенија, да растат здрави и среќни.

Секој од нас има одговорност за планетата Земја. Тргнете од себе, разбудете ја вашата свест !!!